揭露 有錢人船P 中伏 8小時，有錢人勿入！
是咁的，上一排咪有個有錢人船P既，我………我去左。
系呀！笑我啦！系我，系我蠢，系我想識d「想識俾得起$1000去船河的人」既女。
個過程………唉……
屈左響個心度好耐，D冤屈谷埋谷埋，
我真系驚會跳樓……好想講出黎發洩下…過程如下：
老實講，我真系沒諗過自己會上到船玩
唔系沒錢，系因為從來沒諗過用$1000去遊船河
$1000話多唔多話少唔少，可以食餐好、可以買3隻Xbox Game、可以上深圳玩2次
唔知系咪鬼掩眼，我竟然神推鬼撞，真系PM左o個個搞手，話想上船玩
佢叫我先過數，仲要即日，話名額好快沒，要幫我留位咁話，
哦！好丫！咪過住一半數俾佢先啰！你知啦！唔系話多錢，不過我唔系好信佢。
佢收到錢之後即系覆我，問我系咪有錢人，
我心諗，我都俾得起$1000啦，仲唔系有錢人？
於是，我答佢「系，我系有錢人」，然後佢話歡迎，
仲立即同我講，上面有好多有錢人，都系佢D老友，三架船一齊出海，
是次活動系其中一架船既船主女朋友生日，佢系富二代，所以陣容會好鼎盛。
喂！其實我唔系好想知個Background，凈系想睇下上面系咪凈系得Model同鬼妹，
我同佢講：喂！如果我響上面見到普通女仔，就擰甩你個頭。
佢話普唔普通好主觀，佢覺得肥姐某程度上都OK正，
哇！你！即系取巧姐！
船P響星期日，我星期一期待到星期七，仲響星期六專登行SOGO，
買左條好型棍既黑色紅邊三角泳褲，響試身室對住塊鏡左睇右睇，
諗緊扯住旗出場有氣勢D，定塞支棍入去霸氣D，
唔，買左番去先算啦，好開心咁俾錢，然後番屋企繼續試泳褲。
星期六晚，興奮到訓唔著，船P呢個字，潛台詞系比堅尼、甩Bra、走奶、
今次唔再系Facebook o個D豬扒著比堅尼、甩Bra、
系Model、鬼妹、女明星、竹星妹著比堅尼、甩Bra、實在太期待！
雖然單拖去有D怯，為左寫篇甜故報告俾各位高登巴打睇，
去馬，就去馬啦！
點知，我先知原來上左賊船。
(帶定頭盔，本故事純屬一場誤會，如有對號入座，實屬你身有屎)
星期日，響西貢碼頭出發，咦喂！系幾靚仔喎架船！應該系呢架啦！全碼頭最大架！一定沒錯！
咁我咪上船啰，點知個好大隻既半唐番石Q攔住我講左一大堆英文，類似系話我沒permit
我話我俾左錢個喎！仲有張ATM單為証，上面收款人大大隻寫住DXX XXX，然後撻個搞手個朵出黎！
個半唐番石Q望一記望張單，然後話：「呢度沒人識佢喎！」哇！大王你都唔識？
我好無奈，打俾個搞手，諗住都系唔通…唉，應該都系一宗騙案黎架喇，咪當上左寶貴既一科啰，
點知又接通左，佢好風騷咁接聽「喂！早晨！」，點都好，我呢一刻重燃希望！
我：我上唔到船既點解？
佢：佢地認樣唔認名架嘛！黎緊架喇我！
我：你幾時到呀？
佢：我坐緊我老友部法拉利黎緊啦，好快到！
我：我響碼頭等你架喇咁！
佢：沒問題！
其實呢，我就一早響香港網路大典search過佢D豐功偉績，
對佢個樣都略有印象，應該唔會睇錯……
我見到一個唔過170cm，貌似佢本人既物體響巴士站一架巴士上面下車……
應該唔系佢啦！佢坐法拉利過黎架嘛！
唔系喎！o個個人落左車之後行緊過黎喎，咦！真系佢黎，
原來架巴士叫法拉利……個司機一定系佢老友。
我：喂！夏娃！我呀！2nd_Joe呀！
佢：喂！Hi喎！一下車就想搵你相認！咦！準備一齊癲番日未先？
我：準備好喇！唉！幾驚你唔到！我期待左成個禮拜架喇！
佢：點會！我出名守信用！所以先有咁多老友有野搞都預埋我之嘛！
我：哇！好叻呀！可唔可以叫你一聲偶像？
佢：嘿！咁又唔敢當！叫我勁野哥咪得啰！唔知系咪我好勁，個花朵系D女幫我改既
我：哇！呢D咪人地講既短少精幹？
佢：屋企人教落，西唔好揀黎，但要揀黎熟
我：下？豬扒呢？
佢：豬扒都系肉丫！
