徐若瑄為愛剪短髮！跟45公分頭髮說再見！（圖）

台灣女神徐若瑄（Vivian）自從宣布有喜後，幾乎絕跡公開場合專心養胎，但仍不時在Facebook報告最新情況以慰一眾粉絲！早前因急性腸胃炎搞到上吐下瀉、要留院休息近一個月的Vivian，自爆因胎盤位置低，故要聽從醫生囑咐要多卧床，雖然要成日黐住張床日瞓夜瞓，但一向貪靚的她，扮靚依然是首要任務！向來長髮飄飄的Vivian，因為打理方便的關係而剪短頭髮，她在Facebook報告近況，留言：「跟45公分說再見」！即是一剪，就要剪掉近一呎半的長髮，都咪話唔心痛！不過睇真啲，睇番Vivian上載的新相，雖然冇咗一把長長秀髮，但反而更清爽更in，並引來大批網友留言力讚，更指她是「永遠最美的女神」等。所以話呢，話明係女神，真係做咩都係靚！