已心灰意冷！樂瞳突然離開TVB：「有3個高層對我不禮貌！」

TVB樂瞳

近年不少藝員回巢大台搵食，但亦有人心口掛個勇字離場。

投放十年青春在大台的樂瞳（原名龔茜彤），決定不續約，三十歲跳出安全區，入影壇頭炮做打女。

令她心灰意冷，導火線是拍劇時焗吞過期饅頭，非常不人道！

上週約滿大台外闖的樂瞳直言：「呢十年，我搵唔到錢！」事實上，近兩、三年她的工作量已很少，她大嘆：「一年拍得一至兩部，我唔介意做女配，但求角色有得發揮嚇，不過近年有3個高層對我不禮貌！」

但真正的催化劑，是在告別作《平安谷之詭谷傳說》演閒角之外，更被迫硬吞幾籠放了超過一星期的道具饅頭。

「我喺《平安谷》造型好突出，演一個黑黑實實大力妹，但角色實際功能唔多，我唔想再做，因為每次收工都好低落。試過一場戲，我食咗三底，吞咗起碼六、七個饅頭，嗰啲饅頭擺咗一個星期，道具叔叔勸我唔好食，但呢場戲我俾鏡頭圍住，點可以唔食。」樂瞳說。

 

樂瞳皮膚白滑，監製要求她為角色去曬黑，她表示：「我好易曬傷兼甩皮，惟有自己花錢定期去噴黑啲皮膚。角色就算唔重戲份，我都盡本分做好。」

樂瞳（Cilla Kung，1986年7月22日－），原名龔茜彤，模特兒出身，前無綫電視經理人合約藝員。2006年透過第21期無綫電視藝員訓練班入行，香港女演員及歌手。現在決定不續約，要向大熒幕去發展做打女。