誰說影婚照只有新娘子先搶風頭？TVB林子善 馬爾地夫爆肌婚紗照出爐：

 邊個話影婚照只有新娘子先搶風頭？林子善呢輯相比新娘子更性 感，好明顯為新郎哥爭返啖氣！

 

35歲藝人林子善於上月同拍拖5年嘅圈外女友董佩欣（Kary）簽字結婚，之後就出發去咗馬爾地夫影婚紗相，為咗今次婚紗相之旅，林子善操爆肌肉先出發，去到嗰邊都唔可以鬆懈，佢喺社交網就上載咗喺酒店房都狂做掌上壓嘅片段，又上載咗一張赤上身大曬6舊腹肌嘅相片，真係谷到爆！

 

 

林子善留言：「老實講我真係唔覺得自己大隻，最多可以話正常而較矮。因為係（喺）我身邊真係太多大隻佬，仲要好多係比賽級冠軍。成日影曬肌相係有一個目的，發放多啲正能量畀身邊朋友，希望佢哋多做運動身體健康。一條(((悶棍)))一直(((努力)))，唔係話比（畀）你知有幾勁，只係想比（畀）你知冇偷懶，要戰士身形要戰士毅力，唔係一條(((影相忍)))。

 

 

老婆Kary都有喺社交網上載相片，見佢著上三點式泳衣身材同樣Fit爆，兩個人仲潛咗落水底影相，真係隔住個mon都感受到咩係愛。

 

恭喜曬林子善！希望你永遠幸福快樂啦！