「綠帽唔怕戴」90後的港男TWH驚見女友1拖3 (多人受害)

網上名言，「綠帽唔怕戴，最緊要除得快」，不過帽除了，也不代表心不傷。90後的TWH不止被帽，竟又意外發現「女友」至少一拖三。他說「係我天真我蠢。」忍不住要在網上公開事件宣洩一下，不過此時此刻，他說還是愛她。

TWH網上公開自己的遭遇，但仍擔心女方被起底。（受訪者提供圖片）

11月初，兩人在社ig上相識，由交談到互生情愫，如一般網上情緣。「我一開始都知佢對我有意思，但我同佢講明，如果你真係真心真意對我，我先會接受。而佢追我時，我係俾佢打動到。」那時，她對他是無微不至的關心與體貼，得知他生病，返工前特意從長洲跑到荃灣送感冒茶與喉糖；遇上氣溫急降的日子，她送他暖包、頸巾。把所有都看在眼內的朋友，位位羨慕，覺得他真的遇上位好女孩。「佢一直都話寫咗封信畀我，想親手畀我，但每次出街佢都話唔記得帶，所以封信內容我到依家都唔知。」

於他而言，女友不需要樣靚身材好，只要對他好又專一就可以。受感動，去年12月15日正式交往，也許過於美好的，最終都只可以是個騙局。

12月就是節日氣氛濃厚的日子，又遇上是她的生日，好好慶祝是常識吧。誰知生日當天，她說家人急病入院，固然取消，家人要緊。又過了數天，她主動相約補祝生日，他特意請假，最後再次被放飛機，更自覺是不夠體諒女友而內疚。到2017年的最後一天，他再次被放機，理由是她的家人快將離世，她要到醫院見最後一面。

「我話：『咁無法啦，你去醫院啦，我自己倒數就可以！』佢當時仲話：『唔得，應承咗話陪你！應該無咩事嘅，我去完醫院就趕出嚟搵你啦！』。」在此先別管他眼見女友家人出事還自顧自倒數，當日的結果是她繼續沒出現。

「我只係好運，無聊開新ig先發現，我要多謝上天畀呢個運氣我，否則我可能到依家都未發現。」未知家人有事的理由是真是假，不過她一拖3則是不爭事實。2018年的第一天，她說要在家冷靜，他則無聊地開新ig帳號看女友的即時動態，誰知見到的是，她拖住另一位男子，仲話：「2018年請你繼續愛我。」原來她一直封鎖他常用的ig，他一直被蒙在鼓裡。

剛開始，她還不打算認。

「佢曾經話過我係佢唯一的男朋友，點知最後我只係16號愛人。」16號愛人不是自以為悲劇主角，僅是描述這事。因為事發後沒多久，他的ig收到另一位男士訊息，說自己也是受害者，他們更自虐地稱是「同期師兄」。

「同期師兄」相認，原來對方用同一手法對多人。

雖然被玩得心受傷，可他此刻選擇繼續保護她。

「我知拍拖唔耐，但因為我本人係對感情好敏感，一旦認定我就會全心全意，想畀曬所有佢。但到呢刻，我覺得我公開件事，已經係對自己有個交代，開名開相，我有諗過，但我唔忍心亦唔捨得，因為我知網民一定會人肉起底，我唔想見到多個人受唔住壓力跳樓做傻事，我覺得我做到呢步已經好足夠。我知好多人想知女主角，但我自問落唔到手，因為我依然愛佢。」