Ig開post撐唐詩詠做視后 洪永城：你系我心目中嘅最佳女主角

洪永城同唐诗咏嘅恋情绝对系峰回路转，二人分手后都Keep住单身，咁即系代表啲咩？咪就系翻挞嘅可能囉！分开咗大半年，早前佢哋就被指二人秘密复合拍拖，仲高度戒备约会，发现有人跟踪之后，唐诗咏仲直接揸车走人。

报道出街之后，唐诗咏接受访问时就话当时仲有其他嘅朋友喺度，系唔想有太多不必要嘅揣测先至分开去。而嚟紧台庆颁奖礼将至，唐诗咏身为视后热门之一嘅唐诗咏，有宣萱、黄翠如、李佳芯做对手，相信选情都非常之“告急”。

就连前男友兼绯闻男友洪永城都出招喇！佢晚上10点喺Ig post咗张喺大台app投票嘅截图，而佢选择嘅“最佳女主角”就系唐诗咏，佢仲留言话：“记得曾经问过你，如果你攞最佳女主角，你会讲啲咩？你话：‘有机会攞先算啦。’今年终于到你。有样嘢非常之佩服你，喺剧组咁多年，我从来未听过一个人讲你坏话，只听到诗咏好、诗咏得、诗咏无得顶，净系呢个原因你都至少攞个最佳人缘奖啦。当然你点会剩系得呢个奖咁简单，见到你每次开剧之前角色上嘅准备工夫，令自己投入状态，而在剧拍摄中无论自己生活中在几多嘅情绪，你都保持在那状态之中，你系我心目中嘅最佳女主角，咁多年嘅努力，希望今次你得。#最佳女主角唐诗咏”

呢一句“你系我心目中嘅最佳女主角”真系听到都冧晒啦！今次咁高调唔通真系复合有望？洪永城回复传媒时就话，撑旧爱唔系咪想翻挞，佢话：“哈，唔系啦，只是鼓励同支持。”

洪永城喺ig话投咗票俾旧爱唐诗咏。

未分手前。

当时屡传分手，贴食嘢相辟谣。

分手后，唐诗咏喊到双眼通红，否认因为钱而分手。

分手后两个月，喺公司巧遇，合照都仲系尴尴尬尬。