邵子風去年6月與蝦頭分手 蝦頭分後繼續扮女友…
藝人楊詩敏（蝦頭）和經理人邵子風，自2015年起拍拖，
人前人後一直相當恩愛。但今日下午邵子風突然在網上宣布「分」訊，稱兩人其實早在去年6月已經分手，強調分手不涉及第三者；另外邵子風又感激蝦頭，指對方喺分手至今10個月以來，依然「假裝」女友如常出席親友聚會，又對受抑鬱症困擾的自己給予無限支持…
撰文：東方新地｜圖片：東方新地、Facebook
邵子風宣布與蝦頭分手
邵子風今日喺社交平台打咗篇千字長文， 透露自己同蝦頭其實早在去年6月已分手，強調當中不涉及第三者；另外邵子風又感到抱歉，因為蝦頭喺過去10個月配合自己，繼續「假扮」女友，一直掩飾兩人已分手，甚至連新年都如常出席親友聚會。
邵子風又非常感激蝦頭，指對方給予受抑鬱症困擾的自己無限支持，邵子風更揚言如果人生中唔係遇上蝦頭，可能已經自殺了！
由 New Media Group Digital Services Limited 提供
邵子風「分」訊全文如下：
由 New Media Group Digital Services Limited 提供
由 New Media Group Digital Services Limited 提供
邵子風 嘟嘴索吻
雖然生得矮又其貌不揚，但恃住吹得幾嘴，邵子風即使有正印女友蝦頭，仍經常口花花撩女仔。早前本刊斷正佢同貌似蝦頭的肉肉女視像。當日傍晚時分，邵子風一個人揸車出動，去九龍城街市買火鍋材料，見他買餸期間亦忙於睇手機，還以為他同女友蝦頭聯絡，誰知急急腳返上車廂的邵子風，開埋視像媾女對話，睇真啲，原來視像對象，並唔係女友蝦頭，是皮膚白滑的年輕肉肉女，見佢陶醉到不停嘟曬嘴向女方索吻，互相挑逗了差不多十分鐘。同一時間，蝦頭當時跟翟威廉丶周志文等又彈又唱，直播「Happy
Live」當中。
由 New Media Group Digital Services Limited 提供
邵子風
邵子風單拖駕車到九龍城買火鍋配料，不過，買買嚇嘢突然返上車廂，同一貌似女友蝦頭的肉肉女視像，傾傾嚇邵子風仲冧爆嘟嘴向女方索吻，挑逗女方。
由 New Media Group Digital Services Limited 提供
邵子風
邵子風在車廂開視像媾女，同女方隔住個mon都可以肉緊啜爆，果然係冧女高手。
由 New Media Group Digital Services Limited 提供
邵子風
邵子風啜爆挑逗肉肉女，女方更被冧到一度閉上眼，同邵子風一齊嘟嘴，二人關係好不尋常。
由 New Media Group Digital Services Limited 提供
邵子風
由 New Media Group Digital Services Limited 提供
邵子風
蝦頭被問到邵子風啜女一事，睇相仍扮鎮定幫男友苦撐：「佢講嘢嘟嘴啫！我有時講嘢都嘟嘴啦！」
服侍周到
今年42歲的蝦頭，15年被爆撻著經理人邵子風，二人極速在西貢同居，當時就有指蝦頭撬好姊妹，同是邵子風旗下的龍小菌牆腳，不過，即使邵子風曾同龍小菌拖手行街被斷正，當時邵仍否認同過小菌拍拖，只承認對方是好朋友同工作夥伴，蝦頭為撐男友閃爆認愛，又指同龍小菌是好朋友，最終龍小菌輸家離場。
由 New Media Group Digital Services Limited 提供
邵子風
邵子風喺街市買餸仲掛住傳簡訊冧女，似乎當時已經同肉肉女簡訊緊。之後索性上車開視像談情。
由 New Media Group Digital Services Limited 提供
邵子風
視像啜爆之後，邵子風即急急腳趕去買火鍋配料，連去幾個檔買齊配料，即駕車趕下場。
由 New Media Group Digital Services Limited 提供
邵子風
躁鬱症拖婚
可惜，明知女友已屆42歲高齡的邵子風仍未肯定落嚟畀名份蝦頭，之前佢被問到幾時娶女友過門，更以有躁鬱症做藉口，話「唔知自己擺得幾耐!」一味拖婚。
由 New Media Group Digital Services Limited 提供
蝦頭 邵子風
早前蝦頭在葵涌大會堂為舞台劇綵排，至傍晚6時多，同大班演員到附近茶餐廳醫肚。
由 New Media Group Digital Services Limited 提供
蝦頭 邵子風
蝦頭長期劇接劇，早前趕拍新劇《包青天再起風雲》，另一邊又要為舞台劇綵排， 難怪忙到連男友邵子風背住自己做乜都唔知。
其實在今次斷正啜女前，邵子風已多次被拍到單拖約女，同前度龍小菌亦經常以工作為由唔避忌單獨約會，每次邵子風都氹得女方好開心。據知情者透露：「我哋都知阿Dean同小菌一齊過，不過嗰時小菌事業啱啱起步，佢哋拍得好低調，後尾蝦頭簽咗畀Dean，兩個仲情侶檔演出好快就撻著咗，嗰時小菌知道但好似畀人灌迷湯一樣。阿Dean好識冧女，亦從來冇放棄過個森林，畀佢睇中嘅女仔都係唔好彩啦！」
由 New Media Group Digital Services Limited 提供
蝦頭 邵子風
蝦頭同邵子風經常情侶檔做舞台劇，為氹男友，蝦頭前年就刻意節食兼做運動減肥，成功在三個月內減走35磅肉，由肥妹變索女，用心良苦！