「就快30變剩女。。」啲男仔成日追追下唔追，好易就放棄..

我今年29歲，女，單身5年，之前因性格不合而分手，話唔急搵對象就假

我做寫字樓工，月入12K，外表OK，會打扮，性格隨和

無咩嗜好，得閒跑下步

********************

5年內有不少男仔追求，有啲條件都唔錯，我都有興趣

啲男仔都係朋友介紹，興趣班識等等

而全部都係認識幾日就開始約我出街，有啲去到2-3個禮拜

就送下禮物(有大有少，試過有CHANEL首飾)，訊息KEEP 住傾

大部份1個月左右(有啲2-3個月)就表白，拖我手，但我見了解未深

好似太急所以都拒絕咗，我覺得對佢地只係好感，未到愛，我向佢

地解釋返個原因，話想做住朋友先再了解下，但5年嚟，遇過的男仔

都無一個再願意繼續了解落去，個個都好似人間蒸發，真係爆sad

本來開頭都覺得只係啲追求者態度問題，又話鍾意我，但又唔了解多啲

就走咗去，如果係鍾意的話應該繼續追喇，無誠意

但呢5年發覺真係無男仔肯付出時間去相處，大佬丫，就算有好感都要俾

啲時間我愛上你架，識得1,2個月，朋友基礎都未有，點一齊喎

有無人可以講解下點解會咁架，想搵個正常男仔相處了解下啫，

攪到依家

就快30變剩女