苟芸慧未婚夫遗产被泄 梁家辉好快做外父？雷庄儿卸任港姐

苟芸慧未婚夫遗产被泄 梁家辉好快做外父？雷庄儿卸任港姐

 

　　今日快报

　　遗产被泄 陆汉洋：保留法律行动

　　将于年底迎娶艺人苟芸慧的富商赛车手陆汉洋（William）最近被大起底，之前都讲过William爸爸系建筑界著名人士陆孝佩，而妈妈Catherine就系圣安娜饼店创办人。虽然William甚少讲起家庭，但原来佢系陆孝佩嘅私生子，一直与妈妈生活，之后移民去加拿大，与爸爸甚少联络。

　　虽然父子关系疏离，但陆孝佩对William好照顾，近日陆孝佩生前订立遗嘱被披露，陆孝佩估计留下二亿元遗产，据知William分到逾二千万，而早年陆孝佩又用咗逾千万买入会景阁单位送赠William。

　　问William爹哋遗嘱被披露一事，他回复媒体：“我不清楚为何会有家事泄露出来，因为长辈交待过家事家里说，所以一直以来我对家事都不会对外作任何回应或评论。但由于今次事件涉及到父亲的私人文件，律师建议暂时不作任何回应。等待法律顾问的意见后，我不排除在适当的时候在适当的平台作出回应或采取应有的法律行动。”

　　水中激战！杨秀惠著泳衣咀爆吴伟豪

　　最新一集无线处境剧《爱．回家之开心速递》讲到由吴伟豪饰演的朱凌凌参加联校摄影比赛，但其照片作品“梦想”却被黄长兴画成油画，更抢闸在网上发表。吴伟豪找黄长兴理论，但被黄长兴反指他抢走杨秀惠，同样是爱情小偷。

　　“金城安”周嘉洛及“傻强”冯子森为吴伟豪写了一个剧本，更邀请杨秀惠担任女主角。片中杨秀惠鼓励吴伟豪输掉游泳不要放弃，吴伟豪其后一手将杨秀惠拉落水池中，二人更疑似在水中湿吻。当黄长兴看片时一眼便识穿，一眼看出湿吻镜头中的杨秀惠背部，原来是由冯子森做爱的替身。

　　成个人被抛起！梁芷珮玩新兴斗牛遇险

　　艺人梁芷珮（Christy）近日喺西班牙为无线拍摄旅游节目，期间佢仲欣赏西班牙斗牛比赛，令佢大开眼界：“西班牙传统斗牛比赛，其实我觉得都几残忍，因为个斗牛勇士都会拎住把剑杀死只牛，所以近呢十几廿年，有班保护牛嘅人搞咗个会，改变斗牛呢个表演或者赛事，新兴就唔会杀死啲牛，系会同佢哋跑。”

　　今次Christy能够除咗睇新兴嘅斗牛比赛，仲可以落到现场，感受当中嘅感觉，点知竟然发生意外：“咁啱畀我访问到佢哋，兼且仲可以即场表演畀我哋睇，我见到佢哋闪避得好快，之后佢哋邀请我去玩，我开头都觉得好简单。但唔知系咪我反应慢，只牛向住我嚟冲，跟住我就畀只牛抛起咗，我有五至十秒系冇咗意识，唔知发生咩事，后尾返酒店睇片先知。（有冇受伤？）只手同脚擦损咗，后尾枕起咗个瘤，当时其实好晕，好感恩都系晕一晕，冇咩事。如果呢只牛系大只牛，我谂我严重十万倍，不过其实系好好玩。”

　　孖女Chloe晒咀嘴相 庆祝拍拖四周年

　　梁家辉同老婆江嘉年生咗一对孖女梁颖晨(Chloe)同梁静禧(Nikkie)，大孖Nikkie大学阵开始同外籍男同学拍拖，而细孖Chloe就同男友Matthew感情稳定，二人同样系ABC，Matthew外形高大，绝对系阳光男孩。

　　Chloe喺IG贴出同Matthew之前喺冲绳影嘅咀嘴相，原来系佢哋拍拖4周年，Chloe指同Matthew喺grade 5开始识，以前觉得Matthew好奇怪，直至依家都系，但系除咗Matthew，冇人可以令自己开心笑、冇人可以俾到自己安全感，Chloe感谢Matthew用特别嘅方式去爱，感谢Matthew系一个真诚嘅人，最重要系感谢男友都爱自己嘅家人。

　　现年26岁嘅Chloe同男友爱得高调，未知梁家辉会唔会好快做外父呢!?

　　终于上车！王浩信掷3千万买清水湾豪宅

　　无线艺人王浩信刚刚以3,300多万元购入清水湾傲泷11座一个高层单位，中原地产李子明表示，该单位实用面积为1,837呎。王浩信接受东网访问时坦言今次买楼是为了“上车”，都储了很耐钱，更笑言全部都是血汗钱，问他何时看中单位时，他谓:“上星期睇嘅！（同埋妈咪、老婆去？）老婆去咗杜拜拍嘢，只系我同妈咪去睇，不过妈咪好钟意，所以决定扑锤买。”再问他之前说要买独立屋，浩信即谓：“哗！啲迟两步先，仲要努力揾钱。”

　　浩信坦言今次是自己第一次正式做业主，谦称谓：“好彩有屋企人帮手。”此外，亦有传周柏豪都有意购入此楼盘。为了达成心愿，购买独立屋给老婆，浩信要继续拚搏揾银，他透露之后会开拍监制刘家豪一套新剧，更要动作连场，打到飞起，就算有多年拍动作戏经验，浩信现时都要接受公司安排的 一连串动作训练，他笑谓：“所以啲钱揾嚟全部都有血汗 ！要买豪华独立屋，真系命都攞埋出嚟！”

THE END