鄭嘉穎陳凱琳下月飛加拿大秘密結婚？仲有傳聞話Grace有咗……？
鄭嘉穎陳凱琳下月飛加拿大秘密結婚？仲有傳聞話Grace有咗……？
自從2015年嘅時候拍咗《僵》
鄭嘉穎同陳凱琳公開戀情之後
網友似乎一直都唔係咁睇好
年齡係其中一點原因
一個69年一個91年
兩位足足差咗成22歲
不過佢哋兩個人咁多年來
除咗一開始傳聞話女方家人反對之外
好似一直都無咩大嘅感情波動
陳凱琳近年來喺TVB就經常露面
今年就有平安谷啦飛虎啦
而KC近期都喺內地拍戲
同時有電視劇同電影
有媒體表示KC半年已經密賺咗半億！
近期有電影《反貪風暴3》
8月24上映
呢兩日就有港媒爆料話
下個月滿49歲嘅鄭嘉穎
要同27歲嘅陳凱琳喺8月中
去加拿大結婚！
其實舊年陳凱琳被記者追問嘅時候
佢就自曝過話結婚就係兩年內嘅事！
喺社交網路發文都自稱有「未婚夫」
可見Grace一直都好恨嫁
今次突然話下個月就結婚
令唔少人猜測會唔會係奉子成婚先？
因為之前佢哋去探朋友嘅bb
兩人嘅表現都好似好中意小朋友
有消息話佢哋都想一結婚就要bb
係咪未夠三個月唔講得
所以要秘婚？
對於呢個傳言陳凱琳就否認咗
「我唔系有咗，唔知解佢哋咁樣寫，可能覺得好似好有話題性，不過唔系！」
知道KC最聽媽媽話
Grace都好識行婆婆政策
之前又陪未來婆婆去睇KC個舞台劇
又打入KC嘅社交圈子
KC嘅朋友都盛讚佢人品好
港媒爆料話二人嘅幾位好朋友
包括馬明、 唐詩詠、林子善等人
都已經同公司請咗假
準備齊齊飛去加拿大見證甜蜜時刻
兩個人一向都比較低調
唔請媒體就肯定噶啦
不過據聞佢哋亦唔打算大擺宴席
只係邀請咗十幾位好友去現場見證
傳聞就傳到好真啦！
咁當事人點講先？
佢哋兩位嘅口徑一致
無否認但系都無承認
凈係話兩個人依家感情好好
有好消息嘅話會再通知大家
班Friend點講先？
應承過KC話「狗咬都唔講」嘅林子善
就話「你問番佢哋啦！」
馬明都係呢句
「我真系唔知，問番佢本人啦！我最近都好忙，冇見過嘉穎！」
呢種傳聞點講都系好事來噶
係真噶話大家應該都會祝福！
話時話原來鄭嘉穎已經49歲了.....
時間真係過得快...
呢pair你哋點睇？
